Diante do proceso xudicial aberto na Audiencia Nacional contra 12
militantes independentistas, o Comité Nacional do Partido Comunista dos
Traballadores da Galiza quere manifestar o seguinte.
Dito proceso dáse nun contexto de
ofensiva das posicións reaccionarias
que busca facer retroceder aínda máis os dereitos e liberdades políticas,
sociais e civís do conxunto do pobo traballador, as súas organizacións
políticas e sociais e as súas militantes.
A clase no poder e os seus xestores políticos e xudiciais poñen a punto as ferramentas represivas que
utilizarán masivamente contra o conxunto do pobo traballador no marco da nova
crise capitalista que se aveciña.
Desde o PCTG amosamos o noso máis rotundo rexeitamento diante desta nova
ofensiva que procura criminalizar a loita política e, de ir adiante,
significaría para os encausados desde penas de prisión ata duras sancións
económicas e inhabilitación para o exercicio das súas profesións, así como a
ameaza de ilegalización das organizacións políticas nas que eles/as militan.
A democracia burguesa amosa unha vez máis a súa verdadeira natureza de
democracia para uns poucos e ditadura férrea para o conxunto do pobo
traballador e as súas organizacións.
Fagamos fronte á represión no camiño da loita polo derrocamento da ditadura
capitalista e a construción dun país para a clase obreira.
Comité Nacional do PCTG