Diante da escandalosa sentenza da sección segunda
da Audiencia Provincial da Coruña que condena o compañeiro Xesús Anxo López
Pintos (ex responsable comarcal da CIG en Ferrol) a seis meses de cadea, o
Comité Nacional do Partido Comunista dos Traballadores da Galiza manifestamos:
1. O
noso rexeitamento a unha sentenza inxusta que converte a vítima en acusado e
exculpa os policías que feriron o compañeiro Pintos e logo o someteron a malos tratos
durante horas na comisaría coa intención de escarmentalo.
2. A
nosa solidariedade co compañeiro Pintos, chamando á clase obreira a seguir confrontando
a represión contra os militantes sindicais e a criminalización da loita da
clase obreira na defensa dos seus dereitos.
Denunciamos unha vez máis a Xustiza burguesa como
un aparato do Estado capitalista ao servizo da clase dominante, unha oligarquía
empresarial parasitaria e corrupta.
A clase obreira e o pobo traballador non deben
depositar ningunha confianza nos gobernos e nos políticos burgueses que baixo
unha ou outra máscara (conservadora ou progresista) non fan máis que xestionar
os intereses do Capital e organizar a represión e o sometemento da clase
obreira. Só coa loita, a organización e a unidade, a clase obreira recuperará
os dereitos perdidos e conquistará unha sociedade rexida polos intereses da
maioría traballadora, un país para a clase obreira.
NON HAI REPRESIÓN QUE PARE A
LOITA OBREIRA!!
Galiza, 23 de novembro de 2019.
Comité Nacional do Partido Comunista dos
Traballadores da Galiza