A
comezos de setembro, deu inicio un novo curso escolar na maioría dos estados de
Europa. Alumnado e estudantes volveron ás súas gardarías, xardíns de infancia,
escolas e universidades. O que teñen en común, sen importar onde estean ou que
estuden, é que o seu dereito á educación e os seus dereitos en xeral, están
sendo atacados.
A
razón disto é simple: para o capitalismo non hai beneficios en educar a mocidade
máis do que o sistema necesita para que fagan o seu traballo. Este é o
principio básico da educación no capitalismo, e non pode ser doutro xeito neste
inxusto sistema.
A
escola da actualidade, que foi creada nas últimas décadas, formouse pola
confluencia de varios factores:
- Obrigouse ao capital a facer algunhas concesións ante a reivindicación principal do movemento obreiro dun sistema educativo que actuase en favor dos intereses da clase obreira.
- A existencia do socialismo na Unión Soviética e outros países constituíu unha alternativa ao capitalismo, que obrigou ao capital e aos seus gobernos a facer axustes co fin de limitar a posibilidade de comprender a necesidade do socialismo.
- A adecuación do sistema educativo actual ao desenvolvemento das forzas produtivas; precisábase un certo nivel educativo dos traballadores para manexar os medios de produción.
Esta
situación dá ao capital tantos incentivos como posibilidades para retirar todas
as concesións que non sexan necesarias para o manexo dos medios de produción.
Nalgúns
países, isto xa tivo como consecuencia: importantes recortes no sistema
educativo, obrigando as familias populares a pagar cara a educación dos seus
fillos, mentres houbo unha degradación educativa e as condicións da educación
deterioráronse rapidamente.
Nestes
momentos de recuperación capitalista feble – mentres a seguinte crise está á
volta da esquina – presenciaremos maiores ataques contra a clase obreira en
Europa. Calquera dereito que quede está en perigo de ser destruído no futuro
próximo.
Á
parte do punto de vista puramente económico, é posible presenciar unha
intensificación nas tentativas de manipular ideoloxicamente aínda máis o
contido da educación. As empresas privadas están cada vez máis activas nas
escolas e universidades, atraendo os estudantes e o alumnado cara ao espírito «emprendedor»,
distorcendo a realidade.
Así
mesmo, os esforzos anticomunistas da UE e dos seus gobernos aumentan. Diríxense
fondos a departamentos e iniciativas privadas que promoven a difamación do
comunismo, a equiparación non histórica do comunismo co monstro do fascismo e a
difusión de mentiras relativas ao capitalismo e ao comunismo dentro das escolas
e universidades.
Estes
acontecementos afectan de maneira negativa aos dereitos dos estudantes e do
alumnado na educación. Buscarán cubrir a realidade e no seu lugar presentar
unha versión incomprensible e ilóxica da realidade, axeitada ás necesidades do
capital. Obstaculizarán o desenvolvemento cognitivo e político da mocidade e
arrebataranlles a posibilidade de buscar a verdade e unha explicación para a
situación na que se atopa o mundo.
Estes
acontecementos crean – e seguirán a crear – incerteza e inseguridade, e
exercerán unha presión aínda maior na mocidade.
Estes
acontecementos precisan unha resposta decidida dos comunistas, xunto aos
estudantes, alumnado, traballadores, mocidade e pais, da clase obreira. Para
combater as súas mentiras, manteremos as verdades históricas que demostraron a
superioridade do socialismo. Para combater os seus esforzos para marxinar a mocidade,
daremos o máximo para fortalecer a colectividade en loita como exemplo positivo
do que podemos conseguir xuntos. Para combater os seus intentos de danar o noso
benestar, manteremos e incrementaremos os nosos esforzos para organizar a nosa
clase por un sistema educativo gratuíto, contemporáneo e público popular, sen
ningunha actividade empresarial na educación.
Non
obstante, ao final, un sistema educativo dirixido ás necesidades da mocidade
actual non pode existir baixo o capitalismo. A historia demostrou que calquera
reforma e beneficio que se conseguiu é temporal e precario. Non poden ser
permanentes. Por iso, tamén loitamos polo socialismo, no que o poder está nas
mans da clase obreira para o beneficio da clase obreira.
Este
poder é o único poder que pode garantir un sistema educativo adaptado ás nosas
necesidades, aspiracións e soños. Por iso chamamos ao pobo e á mocidade:
Loitade xunto a nós polo voso futuro!
Fonte: PCTE