Carta aberta do S.X. do PCTE ao S.X. do PSOE tras a aprobación da moción anticomunista no Parlamento Europeo
Madrid, 21
de setembro de 2019
Sr. D. Pedro
Sánchez-Pérez Castejón
Secretario
Xeral do Partido Socialista Obreiro Español
c/Ferraz
68-70
28008 Madrid
Estimado
Pedro:
Non sei se
sabes que, moi recentemente, se debateu e aprobou no Parlamento Europeo unha
resolución común “sobre a importancia da memoria histórica europea para o
futuro de Europa”.
Esta
resolución común foi presentada por varios grupos parlamentarios, entre eles o
Grupo da Alianza Progresista de Socialistas e Demócratas, no que se agrupan os
eurodiputados do PSOE. Tamén polo Grupo do Partido Popular Europeo, polo Grupo Renew
Europe e polo Grupo dos Conservadores e Reformistas Europeos. É dicir, unha
resolución común promovida polos grupos parlamentarios en que están o PSOE, o
PP, Cidadáns, VOX e o PNV.
Nesta
resolución fanse afirmacións sumamente graves sobre a Historia europea do
século XX que non só distorsionan os feitos históricos, senón que van dirixidos
a igualar, a equiparar, ao nazi-fascismo co comunismo.
Nesta
resolución exponse, sen ningún tipo de vergoña, que a sinatura do Pacto de non
Agresión Molotov-Ribbentrop foi o causante da II Guerra Mundial. Quérese
asentar e xeneralizar a idea de que a culpa desa guerra foi tanto da Alemaña
nazi como da Unión Soviética. Quérese tamén, a continuación, asentar e
xeneralizar a idea de que a Unión Soviética, no seu camiño cara a Berlín,
“ocupou” países do Centro e Este europeo, en lugar de “liberalos” dos gobernos
apoiados ou dirixidos polas forzas nazis.
Nesta
resolución exponse que a única forma de ser un Estado democrático é formando
parte da Unión Europea e da OTAN e condenando a experiencia soviética e de
construción socialista como “totalitaria”. Exponse mesmo profundar na
ilegalización de símbolos e manifestacións de apoio á ideoloxía comunista.
E todo iso,
Pedro, faise no nome dunha suposta loita contra o “totalitarismo” que non é
máis que o disfrace que utilizades para tratar de criminalizar a única
ideoloxía que realmente puxo contra as cordas o dominio capitalista que ti, o
teu Goberno e o teu partido tanto defendedes.
Ese
“totalitarismo” que vos serve para cuspir, sen ningún tipo de vergoña, nas
tumbas dos miles e miles de comunistas que deron a súa vida na loita contra
Hitler, Mussolini e os seus aliados, que na loita partisana, no Exército
Vermello ou nos campos de concentración derramaron o seu sangue para erradicar
dunha vez por todas esa besta asasina que é o nazi-fascismo.
A eses
comunistas, a eses partisanos, ás súas familias, non te atreverás a dicirlles
que os seus antepasados son igual que os fascistas. Non te atreverás porque es
un covarde, pero é o que o teu partido apoiou no Parlamento Europeo. Todos os
eurodiputados do PSOE, salvo un, votaron co PP, con Cidadáns, co PNV e con ERC
a favor de frases como esta: “Sinala que nalgúns Estados membros seguen
existindo en espazos públicos (parques, prazas, rúas, etc.) monumentos e lugares
conmemorativos que enxalzan os réximes totalitarios, o que facilita a
distorsión dos feitos históricos sobre as consecuencias da Segunda Guerra
Mundial e a propagación do sistema político totalitario”.
Queredes
terminar coas rúas dedicadas a Stalingrado, ao Exército Vermello ou aos
dirixentes comunistas da época mentres conservades o Ducado de Primo de Rivera
ou seguides tolerando que miles de comunistas e republicanos sigan nas cunetas
do noso país.
Non tedes
vergoña. Non merecedes respecto. Faltades á verdade e manipulades a Historia
para adaptala aos intereses dos vosos amos. Axudades a que se xeneralice unha
visión histórica na que os beneficiados son os mesmos que deron carta branca a
Hitler e Mussolini, a quen os crearon: aos grandes capitalistas que, ante o seu
medo ao comunismo en ascenso, financiaron a apoiaron as bandas de matóns e
criminais nazis e fascistas.
Co voso
apoio a esta resolución volvedes demostrar, como Besteiro apoiando o Golpe de
Casado, e como tantas outras veces na Historia do noso país, que sodes uns
miserables a quen o socialismo e a clase obreira vos importan ben pouco.
Ástor García
Secretario
Xeral do Partido Comunista dos Traballadores de España
Fonte: PCTE
Traducida pola Revista FORXA