Eduardo Corrales,
candidato ao Parlamento Europeo polo Partido Comunista dos Traballadores de
España (PCTE) declarou á prensa que “a UE promove unha cultura mercantilizada,
co único fin de dotar de beneficios económicos aos monopolios europeos”.
Corrales, que é
Secretario de Comunicación do PCTE, explica que “a UE, na súa Axenda Europea
para a Cultura, deixa claro que a promoción cultural se expón como un axente
económico e catalizador do crecemento, o emprego, a innovación e a
competitividade”. En palabras do candidato comunista, a propia Unión expresa
abertamente os seus fins con respecto ao valor que para ela teñen a cultura e a
ciencia.
A este respecto
sinala que “o programa marco de investigación e innovación da Unión Europea,
Horizonte Europa, conta cun orzamento totalmente insuficiente (100.000 millóns
de euros para todos os países membros), de modo que abre a porta á entrada
masiva de capital privado”.
O candidato
comunista apunta tamén que “o proxecto Nube Europea da Ciencia oriéntase para
favorecer o I+D+i dos monopolios, non para que os datos científicos sexan un
ben público de acceso universal”. E arremeteu, así mesmo, contra o sistema de
Capitais Europeas, porque afirma: “a UE utiliza o nomeamento de Capitais
Europeas da Cultura de acordo a intereses empresariais, especialmente do sector
turístico, que fomentan a competitividade e o chovinismo entre os diferentes
pobos de Europa”.
Así pois,
Corrales insistiu en romper coa Unión Europea, “como única saída para alcanzar,
máis pronto que tarde, unha verdadeira cultura e ciencia libres de intereses
empresariais, verdadeiramente dirixidas ao desenvolvemento artístico, cultural
e social dos pobos e traballadores de Europa”.
Traducido pola Revista FORXA