Javier Martín,
candidato ao Parlamento Europeo polo Partido Comunista dos Traballadores de
España (PCTE) realizou unhas declaracións á prensa nas que afirmou que “a
mocidade traballadora dos distintos países europeos ve a súa vida empeorar día
tras día, ve os seus soños rotos polas políticas antiobreiras da UE e os seus
gobernos, e é hora de dicir basta”.
Martín,
Secretario Xeral dos Colectivos da Mocidade Comunistas (CJC)*, denuncia que “a
clase obreira vese continuamente atacada polas políticas capitalistas da UE,
así que a mocidade de extracción obreira e popular enfróntase a un futuro moi
negro, sen dereitos, sen estabilidade, con salarios de miseria e condicións
laborais pésimas”.
En materia
laboral, por exemplo “a UE é a impulsora do Sistema de Garantía Xuvenil, que
aquí agora se chama “plan de choque polo emprego novo”, cuxo principal
obxectivo é “mellorar a produtividade empresarial”, algo que pretenden
conseguir ofrecéndonos peores soldos e condicións de traballo”.
“Basta con
preguntar a calquera mozo traballador para saber de primeira man que é a
precariedade, que é encadear contratos temporais, que é non poder
independizarse do fogar familiar, non poder ter un proxecto autónomo de vida”
indica, e sinala que “a UE non é algo tan afastado como algúns pensan, os seus
efectos contra a mocidade vense a diario: ao ser unha ferramenta para beneficio
dos capitalistas, baséase na nosa maior explotación, en todos os sentidos”.
Martín insiste en
que se demostrou que as liberdades da UE son as liberdades dos grupos empresariais
para maximizar os seus beneficios, incrementando e diversificando aínda máis a
explotación dos traballadores. Se á UE preocúpalle a mocidade é para ter unha
forza de traballo aínda máis barata para as grandes empresas, sen dereitos
laborais, cobertura legal nin dereitos sociais; unha forza de traballo que
mesmo se irá trasladando de país en país “voluntariamente”, segundo os
criterios de rendibilidade empresarial.”
En materia
educativa, “é a UE quen impulsou o Plan Bolonia, a Estratexia 2020 e todas as
demais medidas que abriron a porta á privatización e mercantilización da
educación, algo especialmente visible na Universidade, onde as taxas
incrementáronse exponencialmente, pero que se está estendendo a todos os
niveis”. Denuncia que “a UE promove uns sistemas educativos que beneficien ás
empresas, que lles ofrezan a man de obra que necesitan. A escola que quere a UE
é a escola para os patróns, non para os traballadores”.
Finaliza
anunciando que “25 organizacións xuvenís comunistas de toda Europa realizamos
un chamamento no que pedimos que se apoie aos partidos que, como o PCTE, teñen
unha postura clara contra a UE dos monopolios e da guerra”.
Fonte: PCTE, 16 de maio
Traducido pola Revista FORXA
* En Galiza: CMC