O Partido Comunista considera que para defender a paz hai que rachar coa UE e a
OTAN.
Ambas alianzas son agresivas e perigosas para os pobos.
O Partido Comunista dos Traballadores de España (PCTE)*, que participa nas Eleccións Europeas do 26 de maio co obxectivo de "rachar coa Unión Europea e co Euro", denuncia que "a UE é o terceiro exportador de armas do mundo" que utiliza múltiples medios "para tentar impor a súa axenda política e económica a países soberanos como Siria ou Venezuela", en palabras de Marina Gómez, número 2 ao Parlamento Europeo.
Ambas alianzas son agresivas e perigosas para os pobos.
O Partido Comunista dos Traballadores de España (PCTE)*, que participa nas Eleccións Europeas do 26 de maio co obxectivo de "rachar coa Unión Europea e co Euro", denuncia que "a UE é o terceiro exportador de armas do mundo" que utiliza múltiples medios "para tentar impor a súa axenda política e económica a países soberanos como Siria ou Venezuela", en palabras de Marina Gómez, número 2 ao Parlamento Europeo.
Para Gómez, "a
UE non é ningún espazo político e económico idílico, senón unha agresiva
alianza imperialista de Estados que non ten reparos en desestabilizar países ou
rexións enteiras como o Norte de África ou o Mediterráneo Oriental se iso
beneficia aos seus intereses xeopolíticos".
Sinala a candidata comunista
que "a crise de refuxiados que se viviu e se vive no Mediterráneo é
responsabilidade da UE polas súas políticas de rapina e saqueo, polas súas manobras
para facerse co control dos recursos enerxéticos e as rutas de transporte da
conca mediterránea". Ao
desestabilizarse países enteiros como Siria ou Libia, a consecuencia é "un
fluxo enorme de persoas que tentan fuxir da destrución dos seus países e que,
en Europa, son utilizados como carne de canón polos modernos escravistas
europeos, que ademais buscan enfrontar a uns traballadores con outros e
promoven o racismo e o chovinismo". "Abonda ver a campaña sen sentido
sobre as axudas ficticias que reciben os refuxiados e inmigrantes en
España", engade a dirixente do PCTE.
Ademais, Gómez engade que "a UE vai da man da OTAN, que é a
ferramenta imperialista máis perigosa para a paz mundial, que fomenta manobras
militares nas fronteiras europeas, que provoca constantemente a outras
potencias como Rusia; por iso, para
defender a paz hai que rachar coa UE, pero tamén coa OTAN, de forma unilateral
e inmediata, clausurando ademais todas as bases militares estranxeiras en
España".
A candidata comunista finaliza indicando que "encherse a boca de
palabras como paz, de relacións internacionais xustas, colaboración entre
países, mentres se venden armas a medio mundo e se fomenta a desestabilización
de países soberanos, ou mentres se segue a participar desa alianza asasina que
é a OTAN, é outra proba máis da terrible fraude e engano que é a Unión
Europea".
Nota de prensa PCTE, 11 de maio
Tradución Revista FORXA
*En Galiza: Partido Comunista dos Traballadores da Galiza (PCTG)