Na noite do 7 de
marzo, o compañeiro FJMR de Causa Galiza foi salvaxemente agredido en Ferrol
por un grupo de fascistas que lle causaron graves danos físicos obrigando á súa
hospitalización inmediata.
Desde o Partido
Comunista dos Traballadores da Galiza (PCTG) queremos amosar a nosa
solidariedade co compañeiro, así como denunciar e alertar ao conxunto da
mocidade, a clase obreira e o pobo traballador, da proliferación destes grupos
que ao abeiro da crise económica e a ofensiva ideolóxica da reacción máis
furibunda, e amparados na tolerancia selectiva das forzas represivas, tentan
sementar o medo nos nosos barrios.
A organización e
a loita colectiva da nosa clase, a mocidade traballadora e os nosos veciños e
veciñas son o único camiño para parar a impunidade destes grupúsculos
funcionais á clase dominante e impedir que esa xentuza campe ás súas anchas nas
nosas rúas e cidades.
Esiximos a
persecución desde as institucións destes grupellos e as súas actividades
criminais.
FÓRA FASCISTAS
DOS NOSOS BARRIOS!