Declaración do
Buró Político do PCPE ante o recoñecemento polo Goberno español do golpista
venezolano Juan Guaidó.
O Presidente
Pedro Sánchez acaba de anunciar en comparecencia pública o seu recoñecemento ao
golpista venezolano Juan Guaidó, autoproclamado Presidente da República
Bolivariana de Venezuela o pasado 23 de xaneiro coa complicidade e
recoñecemento dos gobernos máis reaccionarvos do mundo, encabezados por Donald
Trump e Bolsonaro.
A posición do
Goberno español non representa ao noso pobo, á nosa clase obreira, a quen
vivimos do noso traballo. Responde unicamente aos intereses da burguesía e dos
monopolios españois en Venezuela e alíñase cos sectores máis reaccionarios do
imperialismo internacional. Trátase dunha decisión ilegal desde o punto de vista
do dereito internacional, que atenta contra a soberanía venezolana. A posición
do Goberno do PSOE é tan ilegal como o golpe de estado de Juan Guaidó, e puiden
conducir a un enfrontamento civil en Venezuela de dimensións incalculables.
Facemos recaer en Pedro Sánchez e no PSOE toda a responsabilidade do que poida
suceder.
No momento en que
triunfou a moción de censura que fixo Presidente ao señor Sánchez, o noso
Partido advertiu ao pobo do carácter capitalista dese goberno socialdemócrata,
chamando a non depositar nel a menor confianza e a proseguir a loita. O Goberno
do PSOE traizoou as promesas realizadas, móstrase incapaz de responder aos
graves problemas do noso pobo e goberna ao servizo da burguesía nacional e
internacional. Trátase dun Goberno esgotado que só pode ofrecer máis
explotación, máis miseria, e que sitúa a España no centro dos conflitos
internacionais facendo gala dunha absoluta irresponsabilidade.
Por todo iso, o
PCPE esixe ao Goberno o cesamento inmediato do Ministro de Exteriores, Josep
Borrell, e a convocatoria inmediata de Eleccións Xerais en España e paralice
todo recoñecemento do golpismo en Venezuela. Ese é o único servizo real que o
Goberno moribundo do PSOE lle pode prestar ao noso pobo.
Chamamos ás
forzas que en nome da “esquerda” sosteñen ao Goberno español no Parlamento, a
retirar de inmediato ese apoio. Pola contra quedarán desenmascaradas ante a
clase obreira e o pobo español como cómplices do golpismo venezolano e a
reacción internacional. A súa posición imperialista en Venezuela, seguindo unha
longa tradición no PSOE, debe converterse na tumba do Goberno de Pedro Sánchez.
Chamamos ao
movemento sindical, ao movemento de solidariedade, ás organizacións
antiimperialistas, a unha mobilización inmediata contra a posición imperialista
do Goberno español e da Unión Europea en Venezuela. A nosa clase obreira, todo
o noso pobo, debe manifestarse en solidariedade cos nosos irmáns e irmás de
Venezuela, que só a través da construción real do socialismo-comunismo e do
poder obreiro, poderán superar a crise capitalista que golpea ao pobo, o cerco
imperialista e o golpismo de extrema dereita.
Manifestamos a
nosa solidariedade internacionalista coa clase obreira venezolana, coas súas
organizacións e, moi especialmente, co Partido Comunista de Venezuela e a súa
Mocidade.
A solidariedade é a tenrura dos pobos.
Abaixo o golpismo en Venezuela!
Abaixo o Goberno español!
Buró Político do PCPE
26 de xaneiro, 2019
Fonte: PCPE
Traducido ao galego pola Revista Forxa.