Desde Comunistas da
Galiza-PCPE manifestamos a nosa solidariedade coa loita do persoal de Pull&Bear Loxística en Narón,
contra os abusos e prácticas da mutua sanitaria Fraternidad-Muprespa, auténtica mutua mercenaria ao servizo do
grupo INDITEX.
Mentres os accionistas
de INDITEX se repartían este ano 2.300 millóns de euros en dividendos, sacados
directamente do lombo de milleiros de obreiros e obreiras, explotados en todo o
mundo pola multinacional de Amancio Ortega e Cía., o persoal do Centro de
Loxística de Pull&Bear acumula lesións músculo-esqueléticas crónicas. Estas
doenzas e padecementos derívanse dos elevados ritmos de traballo, dos esforzos
continuados manipulando cargas e dos movementos repetitivos ao longo de toda a
xornada laboral.
As consecuencias para
a saúde dos traballadores: hernias, epicondilites, calcificacións, tendinites e
o desgaste definitivo do seus corpos. Para os traballadores, a dor e os
salarios de miseria. Para os capitalistas, as ganancias fabulosas, o luxo sen
freo. Parasitismo puro!
Esta situación vese
agravada polas prácticas dunha mutua sanitaria dignas do nazi Dr. Mengele. Buscando
aumentar os lucros de INDITEX, negan contra toda evidencia médica a orixe laboral
das lesións dos traballadores. Lóxico. Que se pode esperar da mutua sanitaria
de Carlos Espinosa de los Monteros, quen foi vicepresidente de INDITEX?
O Partido Comunista
denuncia o papel das mutuas privadas, como auténticas mercenarias médicas ao servizo
da explotación capitalista e do enriquecemento dos multimillonarios.
Desde Comunistas da
Galiza-PCPE denunciamos que os sucesivos
gobernos da burguesía durante todos estes anos, coas súas nefastas reformas
laborais, non fixeron máis que acrecentar o poder destas empresas piratas, ao
outorgarlles un poder discrecional sobre a saúde e o benestar físico e psíquico
da clase obreira.
Por todo isto, chamamos
os traballadores e traballadoras de Ferrolterra a apoiar as mobilizacións que
están a convocar o Comité de Empresa e os sindicatos de Pull&Bear Loxísitca, diante da sede da mutua Fraternidad-Muprespa.
Adiante a loita
obreira contra os abusos da mutua Fraternidad-Muprespa
e de INDITEX!!
Por un país para a
clase obreira!!