Durante o segundo día de folga na planta da
empresa Amazon en San Fernando de Henares (Madrid), foron detidas dúas persoas
tras producirse varias cargas policiais, unha delas Hugo Carrasco, secretario
de organización do Comité Rexional do PCPE en Madrid.
Estas detencións, xunto coas cargas policiais
contra os piquetes de folga, son mostra do grao de violencia que as forzas de
represión do Estado son capaces de exercer contra os traballadores e
traballadoras nun momento de máximo conflito coa patronal.
Denunciamos a actitude de Amazon, que non dubida
en contratar esquiroles ante o masivo seguimento da folga, e a campaña que está
a desenvolver, coa complicidade de moitos medios de comunicación, para
silenciar a folga e para acalar o persoal en loita, así como a violencia exercida
contra quen exercen o seu lexítimo dereito á loita por unhas condicións de
traballo dignas.
Denunciamos o papel da Delegación do Goberno en
Madrid, agora ocupada pola socialdemocracia, que non dubida en reprimir as mobilizacións
obreiras e en defender os intereses dos grandes monopolios como Amazon.
Chamamos a participar na concentración que esta
tarde, ás 18 horas, terá lugar fronte á comisaría de Coslada e a erguer a
solidariedade dos traballadores e traballadoras de todo o país para exixir a
inmediata posta en liberdade sen cargos de ambos os compañeiros, cuxo único
delito foi poñerse á fronte da loita polos dereitos da clase obreira fronte a unha
patronal.
Madrid, 17 de xullo de 2018
Buró Político do
CC do PCPE