O Partido
Comunista dos Pobos de España celebrou o seu XI Congreso (extraordinario) o
pasado mes de novembro. O evento, logo da grave crise provocada pola
antiga dirección da organización, saldouse como un éxito rotundo na
reconfiguración e fortalecemento do Partido.
Coa
participación de preto de duascentas persoas, entre delegados e convidados chegados
da totalidade dos territorios do país, aprobáronse por unanimidade unhas novas
teses políticas que colocan o acento no fortalecemento organizativo —baseado no
centralismo democrático e na bolxevización completa da organización— e na
aposta real e efectiva polo xiro obreiro do Partido — vencellándose moito máis
estreitamente coa realidade da clase obreira—, coa meta nítida de construír o
socialismo-comunismo en España.
Agora, o
Partido publica as teses e a resolución política que saíron dos debates do XI
Congreso. Unha proposta marxista-leninista clara e concisa para a realidade
española, unha contribución para a conquista dun país para a clase obreira.
Preme aquí
para descargares as Teses do XI Congreso do PCPE.