O Buró Político do Partido Comunista dos Pobos
de España condena con absoluta firmeza a nova agresión militar contra Siria
iniciada a noite pasada por forzas de EEUU, Reino Unido e Francia.
Esta agresión directa supón unha escalada na
agresividade imperialista e prodúcese baixo un pretexto xa coñecido, como é a
non demostrada utilización de armas químicas por parte do exército sirio.
A implicación e presenza de diversas
potencias no territorio sirio supón, tras este ataque liderado por EEUU, que o
risco dunha guerra xeneralizada que afecte non só a Siria, senón ao resto da rexión,
está moito máis próximo.
O pobo de Siria, que leva anos padecendo os
ataques de forzas terroristas e mercenarias financiadas e apoiadas por
potencias como EEUU, a UE e Turquía, non debe verter máis sangue nin padecer máis
sufrimentos por culpa das potencias que só queren un Medio Oriente fragmentado
e inestable para facer avanzar os seus intereses xeoestratéxicos.
O PCPE fai un chamamento á clase obreira e ao
pobo traballador do noso país para que se mobilice en defensa do pobo de Siria,
contra a guerra imperialista e contra o uso de calquera instalación, civil ou
militar, no noso territorio, para esta nova agresión.
O PCPE esíxelle ao Goberno de España que
condene publicamente este ataque e que cancele de inmediato todo acordo sobre a
presenza en territorio español de forzas militares e diplomáticas da coalición
de países atacantes.
O PCPE esixe o máis absoluto respecto polo
dereito dos pobos a decidir libremente o seu propio camiño de desenvolvemento
nun mundo libre de guerras imperialistas, pobreza e explotación.
Non á guerra
imperialista!
Nin terra, nin mar, nin aire para os imperialistas!
Buró Político
do PCPE.
14 de abril,
2018