Unipost despide a unha
traballadora por quedar embarazada.
O pasado dia 29 de maio Unipost de Santiago de Compostela
rescindíalle o contrato temporal a unha traballadora (tras comunicar esta que
se atopaba na súa décima semana de xestación) alegando que non superaba o
período de proba.
Este novo abuso vén sumarse
a toda unha serie de agresións e atropelos cometidos por parte da dirección da
empresa contra o cadro de persoal de Unipost, que sofre ERES, ERTES , impago da
paga extra de Nadal, pago dos salarios fraccionados, movementos forzados de
traballadores dun centro a outro...
Esta é unha agresión
contra todos os traballadores e traballadoras e lamentablemente un feito que se
repite a cotío e en moitas empresas onde traballadoras son despedidas ou
coaccionadas e ameazadas para que decidan non ter fillos.
Eles poden ter
fillos porque poden pagar para que os
coiden, poden desfrutar de dereitos que nos negan como traballadoras e como
mulleres. Para eles a riqueza, e para nós a explotación e o abuso diario.
É hora de dicir basta!,
de avanzar, de manterse unidos e unidas na loita por conquistas e melloras; é
hora de plantarlles cara e facer que en Unipost os traballadores e as
traballadoras sexan respectadas.
Este venres día 2, ás
19:00 horas, na Praza Roxa de Compostela, Comunistas da Galiza-PCPE e os Colectivos
da Mocidade Comunista-CMC estaremos cos compañeiros e compañeiras de Unipost,
na concentración de protesta e solidariedade que teñen convocada para reclamar
a readmisión de Ana e apoiar a xusta loita que están a levar adiante.
Ana, readmisión xa!
Os nosos dereitos deféndense loitando!