Comunistas da Galiza
-PCPE e os colectivos da Mocidade Comunista apoian e fan un chamamento a
participar nas mobilizacións dos traballadores do metal, en loita por un
convenio para o sector da siderometalurxia na provincia da Coruña, que
terán lugar o vindeiro martes 30 de maio nunha manifestación que partirá ás
20.30 da Praza da Palloza na Coruña.
A clase obreira
enfróntase unha vez máis aos intentos da patronal que se nega sistematicamente
a aceptar e negociar as propostas dos traballadores que en liñas xerais xa
están fartos dunha perda continuada de dereitos.
Agora toca dicir basta,
mobilizarse e recuperar dereitos. É hora de deixar de retroceder, e
momento de enfrontar as súas políticas, de disputar os beneficios do capital
que son produto do noso traballo e do noso suor. Se eles teñen beneficios, nos
queremos mellores salarios e mellores condicións. Só coa maior e mais ampla
unidade obreira e sindical e baixo unha orientación clasista das loitas seremos
capaces de mellorar as nosas condicións de vida, ampliar dereitos e respostar
ás continuas e permanentes agresións da patronal e dos seus gobernos.
É momento de
abandonar falsas ilusións e a confianza en melloras froito de reformas
políticas de supostos "gobernos progresistas". Para a clase obreira
non hai máis camiño que a loita dende as fábricas e centros de
traballo. Se non somos fortes, se non estamos unidos, nin organizados, non
contamos e eles gañan.
Por un convenio digno
Os nosos dereitos deféndense!