A PAME (Fronte Militante de Todos os Traballadores/as) denuncia no seu comunicado o feito de que 35 cadros da PAME se remiten a un novo xuízo pola manifestación que organizaron o 30 de xaneiro de 2013 federacións e sindicatos obreiros ao Ministerio de Traballo, para protestar contra as declaracións provocadoras do entón Ministro de Traballo, G. Vroutsis, de que “o sistema da seguridade social construíuse en base a subornos e ao clientelismo”.
“O 16 de marzo, a xustiza “independente” remite de novo a xuízo aos 35 cadros da PAME, presidentes e membros dos executivos de decenas de organizacións sindicais, que despois de repetidos aprazamentos ao final se declararon inocentes xa que todos os cargos en contra deles de parte do goberno anterior da ND e do entón Ministro de Traballo, G. Vroutsis, por ter intentado protestar na súa oficina, foron refutadas.
A acusación fabricada
que se plantexa de novo ten que ver coa mobilización organizada o 30 de xaneiro
de 2013 federacións e sindicatos clasistas ao Ministerio de Traballo, para
protestar contra as declaracións provocadoras do Ministro de Traballo, G. Vroutsis,
de que “o sistema de seguridade construíuse en base a subornos e ao
clientelismo”.
O goberno anterior
intentou fabricar unha provocación, acusando aos sindicalistas de causar
supostamente danos á oficina do Ministro de Traballo. Das fotografías que se
deron á publicidade, así como por testemuñas, demostrouse que era unha
provocación, e a acusación derrubouse, levando á exoneración de tódolos
acusados.
Diante das novas
demandas dos grupos empresariais e as negociacións para pechar un acordo entre
o goberno de SYRIZA-ANEL e as institucións, preténdese impoñer un silencio de
mortos nos sectores e nos centros de traballo. En calquera caso, entre as novas
medidas antipopulares, un aspecto básico do novo acordo é o ataque contra os
dereitos e as liberdades sindicais dos traballadores, contra o dereito á folga.
Levando de novo a unha parodia de xuízo aos cadros do PAME, intentan enviar
unha mensaxe, intimidar aos traballadores, achandar o camiño para o novo
ataque.
Facemos un chamamento ás
organizacións sindicais a denunciar de xeito masivo o novo intento de
criminalizar a actividade sindical; reforzar a súa actividade para informar e
preparar amplamente aos traballadores respecto dos acontecementos, para
organizar unha folga como resposta contra as novas medidas”.
A súa solidariedade coa PAME expresa a Federación Sindical Mundial (FSM) e “pide que o goberno grego poña fin definitivo ao proceso penal contra os 35 sindicalistas”.
Fonte: PAME
Traducido ao galego por Comunistas da Galiza-PCPE