Dende Comunistas da
Galiza-PCPE saudamos a loita que están a levar adiante os traballadores de
Pescanova.
O cadro de persoal non
cede nin diante da represión policial nin diante da intimidación da empresa que
tenta venderlle a moto do mantemento das condicións laborais.
O seguimento ao 100% das
dúas xornadas de Folga convocadas pola maioría sindical (CIG, CUT, UGT e USO ),
secundadas por tódalas categorías do persoal e pola totalidade do cadro de persoal de elaboración e frigoríficos dos centros de traballo de Chapela e do
Porriño, paralizando por completo a actividade na empresa, mostran a vontade
dos traballadores e traballadoras de Pescanova de manterse firmes pola defensa
das súas condicións laborais, dun convenio xusto e de condicións de traballo
dignas para os futuros traballadores da empresa.
Arrimar o ombreiro á
empresa só conduce a máis explotación e precarización das condicións de
traballo.
A unidade sindical e a loita obreira é o único camiño.
Comunistas da Galiza-PCPE