O goberno impulsa unha nova contrarreforma das pensións no marco dos obxectivos de déficit impostos pola Unión Europea.
As
sucesivas reformas impostas polos gobernos do capital, tanto liberais como
socialdemócratas, viñeron significando un ataque continuado aos dereitos dos
traballadores baseado na suposta "insostibilidade" do sistema público
de pensións. Nesta liña de ataque sucedéronse:
- A retirada do subsidio de paro aos maiores de 61 anos forzando a quen solicitasen a axuda para maiores de 55 a xubilarse anticipada e obrigatoriamente aos 61 anos, coa consecuente diminución no importe da pensión .
- A redución de base de cotización.
- A supresión do subsidio ás persoas en paro cuxo cónxuxe cobrase 980 euros.
- O aumento da idade de xubilación.
- A modificación da fórmula de cálculo.
- A desvinculación das pensións do IPC e a súa vinculación ao PIB.
A
Unión Europea leva todos estes anos promovendo a privatización do sistema de
pensións baixo a denominación de "sistema mixto".
As
novas medidas antiobreiras e antipopulares apuntan ao desmantelamento do
sistema público de pensións, preparando a súa privatización e a súa
transformación nun novo espazo de acumulación de capital. O obxectivo destas
medidas é o saqueo da caixa da Seguridade Social, de todo o aportado pola clase
traballadora ao longo de vidas enteiras entregadas ao traballo.
Estas medidas aumentarán aínda máis a
pobreza e a exclusión social xa de seu altísimas: as máis elevadas da UE. Para
favorecer os seus plans privados, arroxan á miseria a quen cotizou toda a vida,
á inmensa maioría que non ten con que pagarse un plan privado ou un concerto
coa Seguridade Social; e aos milleiros de familias que, carecendo dun posto de
traballo e/ou dun teito, dependen dos seus maiores para sobrevivir.
Os
duros recortes planificados polo goberno dos monopolios e a UE minguarán o
importe das pensións, xa de seu inferiores ao SMI na súa meirande parte,
aumentarán a idade de xubilación, dificultarán aínda máis o acceso a unha
pensión digna para quen traballou toda a vida.
RESPONDAMOS
CON MOBILIZACIÓN A ESTE NOVO ATAQUE CONTRA A CLASE TRABALLADORA.
DEFENDAMOS
OS NOSOS SALARIOS E PENSIÓNS LOITANDO!