Comunistas da Galiza -
PCPE saúda a valente loita dos traballadores e traballadoras de telemarketing e do colectivo de EXTEL en
particular, hoxe ameazados por un ERE que afectaría a 205 traballadores e
traballadoras na Coruña.
Tratando de aumentar a
súa taxa de lucro, á patronal do sector, como ao conxunto da clase empresarial, xa non
lle chega con impoñer salarios miserábeis, flexibilidade horaria, xornadas
parciais, subcontratación, ETTs... senón que pretenden seguir apertando máis e
máis... porque a súa ambición non ten fin.
Se a clase traballadora non lle pon freo, a lóxica capitalista non vai
parar aínda que algúns traten de convencernos de que todo se pode solucionar
cunha papeleta electoral.
Basta xa de falsas ilusións!
O espellismo das
promesas “cidadanistas” de cambiar a situación sen tocar os intereses dos
capitalistas e dos poderosos tocou fondo.
Só a tantas veces
invocada e poucas veces posta en práctica UNIDADE E LOITA DA CLASE
TRABALLADORA, organizada e consciente pode frear primeiro o despoxo dos nosos
dereitos e acabar despois coa deriva dun sistema, o capitalista, caduco e
incapaz de satisfacer as necesidades da gran maioría social que somos a clase
traballadora.
É hora de loitar!!!