[Comunicado da Secretariado da Iniciativa Comunista Europea]
A “Iniciativa
Comunista Europea” fai unha importante intervención de cara ao próximo encontro
dos líderes dos estados do chamado “Sur europeo”, o 9 setembro en Atenas,
organizado polo goberno grego.
A “Iniciativa
Comunista Europea” destaca no comunicado do seu Secretariado que os
organizadores deste Encontro buscan utilizalo para reforzar as falsas ilusións
entre os pobos de Europa respecto unha “Alianza do Sur” que supostamente porá “fin
á austeridade”, e chama aos pobos a fortalecer a súa loita para derrocar a
política antipopular, a UE e o sistema capitalista que están a servir.
A
continuación o comunicado do Secretariado
da “Iniciativa Comunista Europea”:
O 9 de setembro,
por iniciativa do goberno de “esquerda” de SYRIZA-ANEL dos novos memorandos e
das decenas de medidas antipopulares, levará a cabo en Atenas unha conferencia
dos líderes dos países mediterráneos da UE, do chamado “Sur” da Unión Europea,
sobre os acontecementos na UE, a cuestión dos refuxiados e os inmigrantes, e o
chamado “desenvolvemento”.
Esta iniciativa
vén uns días despois da reunión entre a vella e a “nova” socialdemocracia en
París.
Estas dúas
iniciativas, igual que outras similares, teñen como “denominador común” o
obxectivo de fomentar falsas esperanzas entre os pobos, que o sistema
capitalista e a súa construción interestatal reaccionaria no continente
europeo, é dicir a Unión Europea, poden mellorarse e “humanizarse”.
Tratan de convencer ao pobo que unha diferente correlación no centro de Europa a favor do “Sur” e a expensas do “Norte”, ou a favor da socialdemocracia e contra os liberais, traerá o “fin da austeridade”, a “igualdade”, a “solidariedade”, o “desenvolvemento” na Unión Europea.
Tratan de convencer ao pobo que unha diferente correlación no centro de Europa a favor do “Sur” e a expensas do “Norte”, ou a favor da socialdemocracia e contra os liberais, traerá o “fin da austeridade”, a “igualdade”, a “solidariedade”, o “desenvolvemento” na Unión Europea.
Con todo, os
pobos de Europa experimentaron desde hai décadas que a UE e cada tipo de
gobernos burgueses (tanto liberais como socialdemócratas) apuntan ao apoio da
rendibilidade do capital, á súa recuperación a través da agudización da
política antipopular. O desenvolvemento que prometen, non foi, non pode se,r
“xusto”, xa que se basea na destrución dos dereitos obreiros e laborais, na
intensificación da explotación.
Os traballadores e
traballadoras, en base á súa experiencia, confirman que os antagonismos entre
os centros imperialistas e os países capitalistas (do Sur e do Norte, con
gobernos socialdemócratas e liberais) intensifican as guerras e as
intervencións imperialistas, traen novos tormentos, persecucións e converten ás
persoas en refuxiados.
Os pobos poden
comprender que os mecanismos como ISIS e a súa repugnante actividade,
financiada e apoiada por EE.UU., a OTAN, a UE e os seus aliados na rexión do
Oriente Medio, son o pretexto para a intensificación das medidas de represión
que promove a Unión Europea e os seus gobernos.
Hoxe en día, o
resultado do referendo británico respecto á saída da Unión Europea trouxo á
superficie as contradicións entre os diversos centros imperialistas en canto ao
futuro e a perspectiva da UE. Un asunto principal na controversia no seo da
zona euro e da Unión Europea segue sendo a fórmula da xestión burguesa, entre a
estabilidade fiscal e a monitorización dos estados membros polos mecanismos da
UE, por unha banda, e doutra banda a relaxación do axuste orzamentario para
liberar fondos estatais para apoiar os monopolios. Esta controversia é allea
aos intereses populares porque en ambos os casos a clase obreira e as capas
populares sairán perdendo xa que a súa condición previa é a intensificación do
ataque antipopular.
Os gobernos da
vella e nova socialdemocracia en Europa utilizan de maneira enganosa o lema
“non á austeridade”. Este lema non ten que ver con frear ou reverter as medidas
antiobreiras bárbaras, ou aliviar ao pobo. Ao contrario, ten que ver co apoio
aos grupos empresariais con máis diñeiro quente. Isto demostrouse tamén polo
feito de que estes gobernos, tal como os gobernos liberais promoven novas
medidas antiobreiras bárbaras en Grecia, en Francia, en Italia, en Portugal, en
España, en Chipre, co fin de aforrar fondos en nome do gran capital.
Por moitos
encontros e cumes que teñan lugar entre os “líderes dos países do Sur”, por
moitas grandes palabras que digan respecto a un “reinicio da Unión Europea”, a
Unión Europea non pode ser favorábel ao pobo, soamente pode chegar a ser peor
para os pobos. Nin o sistema capitalista, que a UE está a servir, pode
humanizarse.
A esperanza está
na loita dos pobos para derrocar a barbarie capitalista.
07.09.2016
Tradución: Revista FORXA