Os e as comunistas do PCPE-Comunistas da Galiza e
dos CMC expresamos a nosa repulsa diante da sentenza da Audiencia
Nacional que condena a 18 anos de cadea a Eduardo Vigo, a outros tantos a
Roberto Fiallega, e a 10 anos a Maria Osorio e a Antom Santos.
Dita sentenza e a campaña de intoxicación
lanzada desde os medios de comunicación da oligarquía, inscríbese no
recruecimento da violencia exercida polo estado que ten por obxecto
perseguir e criminalizar toda expresión de disidencia e contestación
social no contexto do endurecimento da ditadura do capital e da posta a punto
do dispositivo represivo, preparando unha masiva aplicación das fórmulas
intimidatorias e da violencia dos aparellos do estado e do aparello
institucional neofranquista da oligarquía; mesmo vulnerando as formalidades do
chamado estado de dereito, contra a inevitable escalada da loita que se incuba
no seo da clase obreira, os sectores populares e a mocidade salvaxemente
golpeados pola crise estrutural do capitalismo.
A mera reivindicación de dereitos e liberdades
democrático-formais tórnase xa inasimilable para un sistema socioeconómico
caduco e en bancarrota que recurrirá a todas as formas de violencia contra quen
non acate o programa de explotación, opresión e represión que reserva a
oligarquía para a clase obreira e os sectores populares.
Rexeitamos o que constitúe unha clara vulneración
de dereitos elementais, como o de defensa, por parte dunha Sala onde na
práctica só se escoitaron os argumentos da acusación, e á análise duns confusos
feitos por parte dos mesmos funcionarios policiais que instruíran o proceso: 56
anos de prisión son moitos para uns feitos que -reiterámolo- en ningún momento
e en ningures foron probados.
Esiximos a posta en liberdade dos presos e a
presa, que se lles recoñeza que foron procesados por motivos políticos e non
pola comisión de ningún feito criminal. Esiximos que máis cedo que tarde, volten
prá casa. E o cese da persecución e a criminalización dos sectores populares, a
mocidade militante e as súas organizacións.
PartidoComunista dos Pobos de España-Comunistas da Galiza
Colectivos da
Mocidade Comunista