A
profesora Yailenis Mulet falará en Vigo e Santiago sobre as últimas reformas da
economía en Cuba.
As últimas reformas económicas en Cuba serán o
obxecto de dúas conferencias que vai impartir en Vigo e Santiago a profesora de
Economía da Universidade da Habana Yailenis Mulet Concepción.
A primeira destas intervencións terá lugar en
Vigo, o 25 de febreiro ás 19,30, na Casa do Libro (rúa Velázquez Moreno 27).
A segunda terá lugar en Compostela, o dia 26 de febreiro
ás 19.30, no Centro Sociocultural de Fontiñas.
Mentres propietarios e xestores do sistema
capitalista pretenden saír da máis grave recesión da historia mediante a
anulación dos dereitos do pobo traballador, Cuba inicia un proceso de reformas
internas que busca a reafirmación do modelo socialista. A profesora Mulet vai
tratar dos novos obxectivos da política económica do Partido e da Revolución,
aprobados en maio de 2011, e a súa aplicación no medio do bloqueo e do diario
agravamento da guerra de intereses do capitalismo global.
A Asociación de Amizade Galego-Cubana “Francisco
Villamil” convoca as conferencias en Vigo e Santiago, enmarcadas dentro dunha
xira que a citada economista vai realizar por diversos lugares do Estado,
convidada pola Coordinadora Estatal de Solidariedade con Cuba.
A Asociación de Amizade Galego-cubana Francisco Villamil convida a asistir a estes actos a todas as persoas interesadas en coñecer de primeira man e por medio dunha especialista o proceso de reformas económicas que se está levando a cabo desde o VI Congreso do PCC, celebrado no 2011.