Recentemente, 265 alumnos gregos en Alemaña fixeron a súa intervención
política a través dunha carta aberta en relación con certos acontecementos. Nesta
carta condenaron o racismo e os ataques do “Amencer Dourado” contra os
inmigrantes en Grecia. A carta dos alumnos de Munich, Stuttgart, Frankfurt,
Dusseldorf, Colonia, Leverkusen, Bochum, Essen e Gutersloh, que hai uns días se
publicou en Rizospastis, foi a seguinte:
“Somos estudantes gregos en Alemaña. A maioría de nós nacemos aquí. As
nosas familias víronse obrigadas por mor das dificultades a emigrar a Alemaña
nas décadas anteriores así como por mor da crise en Grecia. Con esta carta
quixeramos expresar a nosa rabia e condena dos ataques contra inmigrantes, traballadores e alumnos en Grecia polos nazis do “Amencer Dourado”.
Nós, como fillos de inmigrantes en Alemaña, sabemos por experiencia o que
significa a violencia racista, o que significa o nazismo. Nós e as nosas familias
enfrontámonos moitas veces á acción de organizacións nazis en Alemaña como o “Amencer
Dourado” que atacan contra os obreiros estranxeiros que viven e traballan en
Alemaña. A violencia racista non distingue os inmigrantes en legais e ilegais,
e só ten un obxectivo. Dividir aos pobos, aos traballadores, aos mozos para que
non vexan quen é realmente o responsábel dos seus problemas.
Queremos que saiban que cada vez que os nazis de “Amencer Dourado” en
Grecia perseguen a inmigrantes e atacan aos alumnos que loitan, dá unha escusa
a organizacións fascistas similares en Alemaña para atacar co mesmo ou ata peor
modo a nós e aos nosos pais.
Nós vemos cada día aos nosos pais suar pola súa existencia nas fábricas e
nas grandes empresas en Alemaña, a traballar desde a mañá ata a noite nun
restaurante ou nunha pequena empresa. Nós, que somos alumnos e moitas veces
traballamos para axudar aos nosos pais, sabemos que para os problemas cotiáns
da nosa familia a culpa non a ten o noso compañeiro de clase que ten outra cor
de pel, distinta relixión ou é de distinto país.
O “Amencer Dourado” fascista e as súas organizacións irmás nazis en Alemaña
coas súas mentiras e accións violentas teñen unha meta: intimidarnos a nós e
aos nosos pais para non reaccionar coa rabia xustificada e a indignación que
sentimos todos os días, deixar intactas as políticas do capital e dos seus
gobernos que levan aos traballadores e aos mozos en Grecia e Alemaña á
indixencia.
Condenamos e illamos a acción hitleriana do “Amencer Dourado” e dos seus
correlixionarios en Alemaña. Fortalecemos a loita en Grecia e Alemaña! Esta é a
nosa resposta.”
Esta carta enviouse nun momento en que en Grecia se desenvolvía un plan organizado para que unha forza do sistema, o partido do “Amencer Dourado” (AD), de ideoloxía nazi e acción criminal, fora presentada como unha forza antisistémica.
Esta carta enviouse nun momento en que en Grecia se desenvolvía un plan organizado para que unha forza do sistema, o partido do “Amencer Dourado” (AD), de ideoloxía nazi e acción criminal, fora presentada como unha forza antisistémica.
Así, o AD está levando a cabo a súa política social mediante a entrega de
alimentos. Pero só aos gregos, non aos inmigrantes. O AD organiza donacións
voluntarias de sangue pero só para gregos. O AD “vende protección” de forma
gratuíta ás persoas que están en perigo pola criminalidade, mais di protexelos
só da criminalidade dos inmigrantes. O AD ataca aos inmigrantes, xunto cos seus
deputados e logo nunha formación militar xunto coas autoridades oficiais
desfilan xuntos co icono. O AD distribúe comida gratuíta que roubara das tendas
de inmigrantes. O AD mantén conversacións cos empresarios para que contraten
desempregados gregos, non inmigrantes, ou lles piden que despidan aos obreiros
inmigrantes para contratar a gregos con salarios moi baixos. Deste xeito o AD
opera como unha “axencia de emprego”.
Todo este escenario promovese adecuadamente e reprodúcese polos medios de
comunicación burgueses para mostrar supostamente o seu “rostro repulsivo” e
para combater supostamente a súa actividade racista. Pero o que fan en
realidade é mostrar o AD como un mecanismo que substitúe as funcións do Estado
burgués sobre todo a favor dos sectores indixentes da clase obreira, do pobo. E
de feito proxéctase como forza que nin sequera dubida en utilizar violencia
para solucionar tales problemas, pero non contra o sistema capitalista, nin
contra os empresarios que crean e reproducen estes problemas. Apóianos porque
debido á crise teñen problemas de rendibilidade. Por iso exhortan aos
traballadores gregos a traballar por salarios de fame, no canto de loitar,
mediando supostamente para atoparlles traballo.
O AD trata de presentarse como unha “forza antisistémica”. Contra que
sistema? Contra o ”podrecido estado de cousas”, os “políticos corruptos”, os ”falsos
patriotas”. O AD di: “Non ao memorándum da submisión!”, “Non á ocupación
estranxeira da Troika”. Trátase de todo o que se expresou no chamado “movemento
das prazas”, sobre os “políticos traidores” que “venden Grecia”. Este “movemento”
dos “indignados” que foi abrazado e apoiado como unha “válvula de seguridade”
polos medios de comunicación burgueses así como polas forzas da “esquerda
renovadora”, en realidade arou o terreo político para que o AD sementase a
fraseoloxía da indignación que, con todo, é baleira porque non se dirixe contra
a explotación do pobo polos monopolios.
Esta non foi a primeira reacción dos alumnos gregos en Alemaña fronte aos
neonazis. Xa houbo moitos exemplos que demostran que os traballadores poden
denunciar aos membros do AD, o seu papel sucio como lacaios da patronal, para
confrontalos e illalos. Moitas mobilizacións populares leváronse a cabo contra
a presenza, a actividade e o veleno dos fascistas.
Estas reaccións estiveron máis aló da propaganda das forzas do sistema, como
por exemplo do partido socialdemócrata gobernamental PASOK, da ”esquerda”
gobernante DIMAR e do partido “de esquerda” da oposición SYRIZA, que xunto con “organizacións
non gobernamentais” organizaron unha mobilización sobre a necesidade dunha “fronte
antifascista”. Unha “fronte” que absolverá dos pecados políticos a todos aqueles
que contribuíron ao fortalecemento do neofascismo. É un esforzo dos partidos
burgueses, dos mecanismos do Estado burgués para a “necesidade” de protexer a “democracia”
dos monopolios e dos capitalistas, contra os “extremos” (equiparando o fascismo
co comunismo) contra a “violencia veña de onde veña” equiparando a mobilización,
a folga dos obreiros, cos ataques e as accións violentas dos nazis e os
neofascistas.
O partido neofascista non se pode confrontar por ningunha “fronte
antifascista” xunto cos que teñen responsabilidade pola súa creación e agora
están derramando “bágoas de crocodilo”. O movemento obreiro débeo esmagar.
A principios de novembro, algúns alumnos membros da KNE que estaban facendo
traballo político fóra dun instituto de ensino nunha zona de Tesalónica
chamando á participación na folga e a concentración da Fronte Militante de
todos os Traballadores (PAME), foron atacados por fascistas. Algúns obreiros folguistas
da industria leiteira AGNO que participaban nos piquetes fóra da fábrica,
apresuráronse a axudar aos mozos comunistas. Desarmaron aos fascistas e
obrigáronos a fuxir. Agora, auméntanse os casos en que sindicatos,
traballadores, parados, mozos e alumnos opóñense na práctica contra as accións
violentas do “Amencer Dourado”. Os sindicatos de orientación de clase están
loitando para illar aos fascistas, para impedir calquera acción súa que divida
á clase obreira, que a amordace, que a encadene en favor do capital.
A confrontación do “Amencer Dourado" débese facer, e xa se está a facer,
politicamente polo propio movemento obreiro e popular, as súas estruturas e as
súas organizacións, e non fóra delas.
[Fonte: KKE]
Traducido por FORXA!