Onte (30/1) a policía antidisturbios realizou un
salvaxe asalto contra os membros de sindicatos e federacións clasistas no
Ministerio de Traballo, onde daban resposta inmediata ás inaceptábeis
declaracións do Ministro de Traballo G. Vroutsis dicindo que o sistema de seguridade
social "construíuse sobre a base de relacións clientelistas". Isto
relaciónase coa decisión adoptada polo goberno de intensificar o autoritarismo
e a represión contra as loitas obreiras, a fin de aplicar duras medidas para
afundir ao pobo na miseria e frear a loita do pobo organizado. Estas sentenzas
presaxian un novo ataque contra o sistema de seguridade social.
A descarnada violencia e salvaxismo do goberno, que envía á policía antidisturbios e detén a 35 sindicalistas da PAME ferindo a nove traballadores é o seguinte elo da cadea da operación da "lei e a orde", rabiosamente implementada nos últimos tempos polo goberno para reprimir a loita do pobo contra a liña política antipopular e para intimidar o movemento obreiro e popular. A MOBILIZACIÓN DOS TRABALLADORES DOS DISTINTOS SECTORES FOI INMEDIATA. Eles concentráronse ante ao Ministerio de Traballo. Con todo, a policía antidisturbios puido arrastrar aos 35 sindicalistas arrestados aos furgóns policiais con porras e gases lacrimóxenos, facendo retroceder aos manifestantes que se reuniron nunha manifestación de masiva solidariedade fronte ao Ministerio de Traballo.
O propio dereito á folga, a manifestarse dunha
maneira organizada e loitar contra a ofensiva antiobreira que é a estratexia do
capital, está no punto de mira do goberno e da clase burguesa a quen realmente
serve.
Co fin de pasar as probas dos
"investidores", é dicir, os monopolios nacionais e estranxeiros, o
goberno, da man co Poder Xudicial o cal ten claro carácter de clase , está a
tratar de impor un silencio sepulcral en todo o país, ofrecendo garantías de
seguridade para o capital contra o movemento obreiro e popular.
A
provocación do goberno fracasou.
O goberno, algunhas horas despois, difundiu
fotografías manipuladas nos medios de comunicación burgueses presentando a
oficina do Ministro de Traballo con cartafois e mobles esparexidos por todas
partes, para convencer á xente de que a delegación da PAME e os sindicatos
invadiran o Ministerio con prácticas daniñas e vandalismo. Os sindicalistas da
PAME desenmascararon a provocación afirmando categoricamente que o noso
movemento obreiro clasista non ten tales métodos e prácticas e que están a
tratar de crear unha provocación contra a loita da clase obreira.
A declaración do portavoz do goberno foi
provocadora e escandalosa, o que non é en absoluto casual, calificando a
protesta dos sindicatos de orientación de clase como "unha forma de
violencia" e "extremismo", asociando de forma solapada e
provocadora as formas de loita do movemento popular cos ataques
"terroristas" das últimas semanas. Así queda claramente confirmado
que os obxectivos reais destes actos foron a intimidación do pobo e a represión
do movemento obreiro e popular. Isto pon ao descuberto que é a loita de clases
a que realmente perturba o ambiente de consenso e o silencio sepulcral que o
goberno quere impor.
A súa intimidación non terá éxito. Os
manifestantes, cunha concentración moi grande, combativa e organizada, que se
reuniron fronte ao Ministerio de Traballo marcharon á Dirección Xeral da
Policía de Atenas, onde os sindicalistas estaban detidos, gritando consignas
como "Liberen aos traballadores das
dependencias policiais, non son terroristas, eles queren postos de traballo"
e "a lei e a orde dos empresarios
será crebada pola xusta causa dos traballadores". A medida que
transcorría a mobilización a solidariedade reforzouse e o número de persoas foi
en aumento.
Desbórdanse
a ira e a solidariedade.
Decenas de declaracións son emitidas por parte de
sindicatos, centros de traballo, federacións e organizacións sobre o provocador
asalto represivo do goberno por mor dos acontecementos.
A Secretaria Xeral do CC do KKE asistiu á
concentración fronte á Dirección da Policía de Atenas, recentemente chegada das
mobilizacións dos agricultores, e declarou o seguinte: "Esiximos unha soa cousa ao Ministro de Traballo. Que traia o
vídeo cos danos supostamente causados polos representantes do movemento
sindical que se manifestaban xustificadamente, sobre as declaracións
provocadoras que realmente axitan as cousas, e déanllas ás canles de
televisión. Que nos mostre o vídeo. Cal é o dano? 40 persoas foron, de cara,
sindicalistas, representantes de organizacións, para facer que? Para destruír
as oficinas? Para destruír as computadoras? Para pegarlle ao Ministro? Isto é
ridículo. E, por suposto, cando un ministro fai declaracións provocadoras, os
representantes das organizacións sindicais teñen o dereito de ir e manifestarse
ao día seguinte. Isto é todo o que pasou e nada máis (...) Cando un goberno non
está preparado para soportar a máis mínima retirada ante as persoas que sofren,
entón non ten outra solución que non sexa a violencia. Pero o pobo ten moita
máis forza e pode repeler a represión estatal. Porque no fondo, por moi
numerosos que sexan os mecanismos do Estado ,o pobo é máis numeroso. E a xente
non debería ter medo disto, senón dos sufrimentos que se atopan no camiño. E
por esta razón deben adquirir coraxe, resistencia e loita contra as mentiras e
as calumnias. Despois de dicir que todas as conquistas dos traballadores son
produto da corrupción e os favores, agora de novo calumnian aos traballadores
como vándalos ... "
Unha
resposta combativa e unha nova continuación das manifestacións.
A última hora da tarde anunciouse que as
detencións foron transformadas en arrestos e que a Fiscalía acusou aos 35
sindicalistas de alteración da orde e danos graves. A concentración ante a
Dirección da Policía de Atenas continuou até altas horas da noite e unha nova mobilización
foi organizada para o día seguinte polo levantamento dos cargos e posta en
liberdade dos activistas detidos do movemento clasista.
Ao mesmo tempo, o xoves 31/1, os mariñeiros,
traballadores da saúde, traballadores dos ferrocarrís e autobuses urbanos, están
en folga, mentres continúan as mobilizacións dos agricultores e se intensifican
os preparativos para a folga xeral programada para mediados de febreiro.
O xuízo
dos sindicalistas.
Ao final, os 35 sindicalistas foron postos en
liberdade. Anteriormente tiñan sido procesados para ser xulgados de forma
instantánea coa acusación da “permanencia ilegal en lugar público” mais o xuízo
foi aprazado para o día 12 de febreiro porque non apareceron as testemuñas do
Ministerio.
Cabe sinalar que sos sindicalistas non foron
procesados coa acusación de “danos agravados”, algo que sostiña
provocativamente o ministro, acusando aos sindicalistas da PAME de “causar danos
ás oficinas”. Cada hora que pasa se revela que esta acusación non podía estar
motivada.
[Fonte: KKE]
-Traducido por FORXA!-