A CEPYME e a CEOE, é dicir, o conxunto da patronal, xa sexa pequena, mediana, grande ou XXXL, propón aos sindicatos a creación dun novo contrato para mozos baseado no salario mínimo, aproximadamente os 650 euros. Din os moi descarados que co tempo o mozo irá ganando máis, a condición de que aprenda o que ten que aprender e o necesiten. Se os sindicatos aceptan este novo crime en cernes sería xa o colmo dunha traxectoria de traizóns intolerábeis.
En primeiro lugar, os empresarios non contratan
persoal porque non o necesitan, se así fose estarían contratando sen reforma
algunha como o facían anteriormente. En segundo lugar, isto significa meter
pola porta de atrás os famosos minijobs alemáns, mesmo peor. En Alemaña roldan
os 500 euros, pero en principio son traballos por horas, en cambio os burgueses
españois non plantexan iso, senón unha
xornada completa "baseada" no salario mínimo. En terceiro lugar, iso
dos mozos é unha estupidez, non se pode separar a man de obra nova da vella, se
eses mozos se venden por 500 euros o resto da forza de traballo terá que rematar
por adaptarse a iso ou non volverá cheirar un emprego. Todas as súas medidas
están dirixidas a rebaixar os custos salariais, e de feito estivérono a facer
todos estes anos, o dos mozos é pura demagoxia oportunista para ablandar o
corazón dos incautos pais que teñen que ver aos seus fillos podrecéndose polas
esquinas deste réxime noxento. Teñan en conta que pretenden legalizar o que xa
pasa pola vía dos feitos, a partir de aí imaxinen o que quedará por baixo.
[Fonte: El camino de hierro]