O
PATRIMONIO PÚBLICO PERTENCE AO POBO
Os Comités para a Unidade Obreira (CUO) apoiamos
as mobilizacións que os cadros de persoal de Paradores Nacionais están levando
a cabo en defensa das súas condicións de traballo e do conxunto do sector, e
chamamos a toda a clase traballadora e os sectores populares a respaldar tanto
as súas reivindicacións como as folgas que convocaron nas diferentes pontes
deste mes de Decembro. En concreto, o 7-8
de Decembro, o 31 de Decembro e o 1 de xaneiro. Estas folgas supoñen
unha continuidade respecto ás convocadas no sector os pasados 12 e 13 de
Outubro, así como a folga xeral do 14 de novembro.
Os CUO denunciamos as condicións laborais
abusivas que o actual goberno está tratando de impoñer aos 4.600 traballadores
e traballadoras do preto do centenar de Paradores repartidos por todo o Estado.
Ante os salarios xa de por si insuficientes que cobran os cadros de persoal,
agora o goberno está intentando impoñerlles un convenio colectivo que
flexibiliza horarios, quendas e vacacións; que aumenta as xornadas laborais a
máis de 10 horas durante varios días á semana, o que reduce as prestacións de
baixa por enfermidade. A eliminación da paga extra de nadal, unha restrición nos
seus dereitos sindicais, unha rebaixa das actuais garantías en materia de IT,
ou recortes relativos á súa xubilación e permisos retribuídos son outras ameazas que penden sobre os cadros
de persoal de Paradores.
Os CUO denunciamos igualmente a vontade por
parte da Dirección da Empresa de Paradores Nacionais de aplicar un ERE de
extinción ao 14% do cadro de persoal (644 traballadores e traballadoras).
Paradores Nacionais está presidido por Angeles
Alarcón, ex muller de Rodrigo Rato, que fora Ministro de Economía, Director
Xerente do Fondo Monetario Internacional (FMI) e Director de Bankia, grazas a
cuxa xestión está actualmente imputado pola Audiencia Nacional.
Paradores Nacionais constitúe o buque insignia
do turismo estatal e entra dentro do lote que o goberno tratará de
subastar nos próximos meses coa fin de
poder axudar a facer fronte aos vencimentos da débeda do capitalismo español,
que o pobo traballador non xerou, pero cuxas consecuencias estamos sufrindo.
O actual goberno pretende seguir con Paradores
Nacionais a súa vaga privatizadora, entregando todos os sectores estratéxicos
que aínda son de titularidade estatal ao capital privado, onde a obtención do
máximo beneficio sexa o único criterio de xestión. Ao respecto, dende os CUO,
denunciamos como a pesar de que o sector do turismo xera o 11,5% de todo o
emprego, os recortes orzamentarios nos dous últimos exercicios superan ao 40%.
O obxectivo por parte do goberno é claro:
precarizar o sector, baleiralo de investimentos coa fin de xustificar outra
venda máis do patrimonio público.
Traballadores e traballadoras: defendede as
reivindicacións dos cadros de persoal de Paradores Nacionais; defendede a
titulariedade pública dun sector cuxa infraestrutura é de todos e todas.
[Fonte: CUO]
Traducido por CUO-Galiza
cuogaliza@gmail.com
cuogaliza@gmail.com