A
Asociación de Amizade Galego-cubana Francisco Villamil, xunto co Consulado da
República de Cuba en Santiago de Compostela, celebrou o pasado sábado 22 de
decembro o 54º Aniversario do triunfo da Revolución Cubana, cunha importante
afluencia de público.
O
presidente, Valentín Alvite, presentou o acto, resaltando a próxima marcha do
Cónsul Xeral Alejandro Fuentes, que tras seis anos de misión, cederá o relevo
nos próximos días. O discurso do cónsul (tras un saúdo á revolución bolivariana
e un desexo de pronta recuperación para Chávez) xirou en torno aos éxitos da
Revolución que segue en pé tras 54 anos, tanto no eido da sanidade, como da
educación, e fixo unha reseña dos cambios que está suscitando a posta en marcha
dos liñamentos da política económica e
social do partido e a revolución.
Unha
vez rematada a parte política do acto, deu comezo a parte lúdica. Como festa participativa
que é, os asistentes adoitan aportar algunha vianda para compartir entre todos
e todas. Entre petiscos e os tradicionais mojitos, non faltaron a música e
bailes cubanos, amenizando un acto que se alongou aínda varias horas.
[Fotos: FORXA!]