O próximo mércores 10 de outubro ás 12.00h a Asemblea de Desempregad@s da CIG de Ferrol ten convocada unha concentración diante do supermercado Maxi-DIA próximo ao Edificio Administratvo da Xunta da Galiza (Rúa Rochel
con Españoleto) para amosar o seu rechazo á sentenza condenatoria
que o xulgado veu de impoñer a cinco compañeiros e unha compañeira de dita Asemblea, que
participaron na acción simbólica do pasado 6 de xuño.
Anímase á participación masiva para amosar o apoio a estes compañeiros e compañeiras ante unha acción castigada de maneira desproporcionada (multa de 835€ fronte aos 25.37€ que estima dito supermercado que foron retirados) e que procura evitar que se xeralice este tipo de actos que só buscan crear consciencia social e mobilización ante a actual situación de miseria á que o sistema capitalista, na súa fase terminal, condena ás familias das clases traballadoras.
A Asemblea de desempregad@s da CIG realizamos esta concentración para manifestar o rechazo à condena imposta a seis compañeir@s do noso colectivo como responsábeis dunha falta de "furto" por participaren nunha acción simbólica que pretendía chamar a atención sobre a dramática situación pola que están atravesar un cada vez maior número de traballadores/as en situación de desemprego, que xa non teñen recurso algún co que poder sobreviver ao esgotar as súas prestacións económicas.
Anímase á participación masiva para amosar o apoio a estes compañeiros e compañeiras ante unha acción castigada de maneira desproporcionada (multa de 835€ fronte aos 25.37€ que estima dito supermercado que foron retirados) e que procura evitar que se xeralice este tipo de actos que só buscan crear consciencia social e mobilización ante a actual situación de miseria á que o sistema capitalista, na súa fase terminal, condena ás familias das clases traballadoras.
Texto da octavilla da Asemblea de Desempregad@s da CIG:
Co conto da
crise cada dia os ricos máis ricos, e @s pobres máis pobres.
A Asemblea de desempregad@s da CIG realizamos esta concentración para manifestar o rechazo à condena imposta a seis compañeir@s do noso colectivo como responsábeis dunha falta de "furto" por participaren nunha acción simbólica que pretendía chamar a atención sobre a dramática situación pola que están atravesar un cada vez maior número de traballadores/as en situación de desemprego, que xa non teñen recurso algún co que poder sobreviver ao esgotar as súas prestacións económicas.
A acción realizada o pasado 6 de xuño ante o establecemento que a
multinacional da alimentación DIA ten no centro de Ferrol só tiña un carácter
simbólico, pero procuraba desafiar abertamente o pensamento
dominante que di que é máis importante o beneficio dunha empresa que a propia
supervivencia e benestar das persoas.
Coñecedores deste desafío e
conscientes da relevancia da voz de alarma social que conseguimos lanzar, os
diferentes axentes implicados na denuncia da nosa acción puxéronse maos à obra
para castigala exemplarmente sabedores que dun momento a outro este tipo de
accións deixarán de ter ese carácter simbólico e pasarán converterse nunha situación xeneralizada debido às graves
dificultades económicas polas que están a pasar moit@s desempregad@s da nosa
comarca.
Con esta concentración queremos denunciar publicamente:
- o especial interese da policía española en preparar de maneira
pormenorizada todos os detalles da denuncia xulgando de antemao @s nos@s compañeir@s
e o sentido da nosa acción, erixíndose desta maneira en fieis defensores da
propiedade privada
- ao poder xudicial que admitiu a trámite a denuncia preparada pola
policía española e subscrita pola empresa DIA, sentenciándoa de maneira
desproporcionada co obxectivo de establecer un castigo exemplar que intente
evitar a xeneralización deste tipo de protestas. A multa total imposta @s nos@s
compañeir@s ascende a 835€ cando o custo dos produtos de primeira necesidade
requisados e devoltos ás estanterías do establecemento foi de apenas 25€
- à multinacional da alimentación DIA por continuar adiante con esta
farsa dando a entender que lle importa máis ben pouco as causas que motivaron a
realización desta acción promovida por traballadoras e traballadores en
desemprego, que non queren ficar parad@s ante preocupante crise económica à que
nos conduciu este podre sistema chamado capitalismo. Crise da que precisamente
se están a beneficiar, entre outras, empresas como DIA que fan negocio con produtos
tan elementares para a subsistencia das persoas. Resulta rechamante que DIA se
moleste en reclamar 25.37€ a seis desempregad@s cando o ano pasado experimentou
un aumento de beneficios do 150%, que se traducen en 95 millóns de euros que
irán engrosar as contas dos propietarios da multinacional filial de Carrefour.
Desde a Asemblea de desempregad@s da CIG temos claro que este tipo de
castigo non nos impedirán que continuemos na rúa a mobilizarnos polo emprego e
a espertar a necesaria consciencia social de ruptura con este sistema que nos
nega dereitos tan elementares como son o traballo ou à propia vida en
condicións de dignidade.
Non nos calarán!!
Polo emprego e a dignidade, non ficamos parad@s!!