O 13º Encontro Internacional de Partidos Comunistas e Obreiros, celebrado en Atenas entre o 9 e o 11 deste mes e que contou coa participación de 78 partidos comunistas de todo o mundo, subliñou a pasada cuarta feira que a conspiración tramada contra Siria buscar restaurar a hexemonía colonial na rexión mediante a destrución das forzas de liberación árabes.
Os partidos manifestaron nun comunicado o seu rexeitamento a calquera inxerencia externa ou agresión a Siria, a denunciaren o apoio dos grupos criminais terroristas que atacan infraestruturas do país e xa mataron a centos de inocentes dentro da Siria, entre eles científicos e académicos.
Os partidos condenaron o bloqueo económico e todas as sancións e medidas tomadas contra Siria por parte dalgúns réximes árabes, ordenados polos países imperialistas, facendo fincapé en que estas medidas están encamiñadas a minar a firmeza da Siria e obrigala a abandonar a súa liña patriótica que apoia a Resistencia e os movementos de liberación da rexión.
Exixiron o cese inmediato de todos os actos hostís contra Siria por parte dos países occidentais, os países árabes e o goberno turco.