O número de desempregados/as no segundo trimestre incrementouse en 17.800 persoas con respecto ao mesmo período do ano anterior

CIG.- O número de desempregados e desempregadas en Galiza no segundo trimestre de 2011 incrementouse en 17.800 persoas (un 8.8%) a respecto da mesmas datas do pasado ano, segundo revelan os datos da Enquisa de Poboación Activa feitos públicos este venres. Aínda que a o número de parados/as descendeu no segundo trimestre en 6.900 persoas e a taxa de ocupación sufriu un incremento, a comparativa interanual pon de manifesto que o noso País continúa inmerso nunha profunda situación de crise e de destrución imparábel de empregos.