A Plataforma SOS Sanidade Pública convoca para o vindeiro día 21 de novembro en Santiago a toda a cidadanía galega a manifestarse contra a privatizaión e na defensa e mellora da Sanidade Pública. A manifestación percorrerá as rúas de Santiago a partir das 12 horas e con saída da Alameda. A privatización dos hospitais e centros de saúde, o aumento das subvencións ás empresas privadas, a baixada de contratacións de persoal substituto, a perda continuada de dereitos do conxunto de traballadores da sanidade pública, a redución do orzamento para o ano 2011 na sanidade, a subcontratación con entidades privadas de servizos ata o de agora públicos, o abandono de diversos plans sociosanitarios, etc... en definitiva, o desmantelamento do sistema sanitario público é o que levou a esta Plataforma a convocar a mobilización.