Comunicado conxunto dos Partidos Comunistas e Obreiros
sobre os 150 anos do nacemento de V.I. Lenin
Honramos ao gran líder revolucionario V.I. Lenin,
comprometémonos a continuar a súa obra!
Os partidos comunistas e obreiros que asinamos este
Comunicado Conxunto, queremos honrar desta maneira a un gran revolucionario e
teórico do socialismo científico, Vladimir Ilich Lenin, xa que o 22 de abril se
celebran 150 anos do seu nacemento.
Nas condicións actuais en particular, e mentres a pandemia do
CoVID-19 segue a estenderse, demostrando de forma tráxica as grandes
deficiencias dos sistemas sanitarios nos países capitalistas, así como a
natureza antisocial e parasitaria do sistema capitalista; fronte á nova crise,
cuxas cargas serán pagadas, novamente, polos traballadores e as traballadoras,
e fronte á natureza agresiva do imperialismo e a escalada das competencias imperialistas,
que expoñen novos perigos para a paz e os pobos, sentimos aínda máis a
necesidade de referirnos á figura histórica de V.I. Lenin. Unha personalidade
que dedicou a súa vida á causa da clase obreira e das demais capas populares na
loita pola abolición da explotación e a construción da sociedade socialista.
Honramos a V.I. Lenin como fundador do partido contemporáneo
da clase obreira, do “partido de novo tipo”, que se separou decisivamente do
oportunismo e a apostasía dos vellos partidos socialdemócratas. Tal foi o caso
do Partido Bolxevique, que estivo á vangarda da loita de clases do proletariado
e as demais capas oprimidas de Rusia. O partido de Lenin levou a clase obreira
rusa á vitoria, co derrocamento das clases explotadoras e a establecer a ditadura
do proletariado, o goberno dos traballadores e campesiños, ao servizo dos
intereses da maioría, dos explotados e os oprimidos. V.I. Lenin definiu e
demostrou o papel de vangarda do Partido Comunista, non só no establecemento do
poder obreiro, senón tamén na construción do socialismo.
Honramos a V.I. Lenin como o teórico que, tendo en conta a
realidade concreta, desenvolveu aínda máis as partes constituíntes do marxismo;
é dicir, a filosofía, a economía política e o comunismo científico. Como un opositor
a calquera distorsión oportunista e revisionista da teoría e a práctica
revolucionarias, do dogmatismo, do sectarismo, das ilusións parlamentarias, sen
negar a intervención no parlamento.
Obras súas, como Quen son os amigos do pobo e como loitan contra
os socialdemócratas?, O desenvolvemento do capitalismo en Rusia, Que facer?,
Dúas tácticas da socialdemocracia na Revolución Democrática, Materialismo e
empiriocriticismo, Marxismo e revisionismo, A bancarrota da Segunda
Internacional, Socialismo e guerra, Acerca da consigna dos Estados Unidos de
Europa, O Imperialismo, fase superior do capitalismo, O Estado e a revolución,
Tese de abril, A enfermidade infantil do “esquerdismo” no comunismo, As tarefas
inmediatas do poder Soviético, Unha gran
iniciativa, son fitos da propagación e o desenvolvemento do marxismo e a loita
revolucionaria. En xeral, o valioso traballo teórico de Lenin segue sendo
absolutamente relevante e un faro para a educación ideolóxica e política e a
acción de cada nova xeración de revolucionarios.
Honramos a V.I. Lenin como líder da Gran Revolución
Socialista de Outubro, que hai aproximadamente un século estremeceu á
humanidade; a revolución triunfante que iluminou o poder da loita de clases, o
poder dos explotados e os oprimidos cando toman o caso dos seus intereses nas
súas propias mans e fan virar a roda da Historia cara adiante, na dirección da
liberación social; a chama de outubro, que conduciu e acelerou o establecemento
dunha serie de partidos comunistas, partidos obreiros revolucionarios. Lenin
tiña unha capacidade estratéxica visionaria e manexaba hábilmente as alianzas,
capacidades que dedicou á causa da revolución socialista.
Honramos a V.I. Lenin como líder do primeiro estado
socialista do mundo, que por primeira vez estableceu o poder dos obreiros sobre
a base de novas institucións revolucionarias, como os soviets, perseguiu o
funcionamento económico da sociedade sobre unha base nova, sobre a base da
satisfacción das necesidades populares contemporáneas, o desenvolvemento libre
e completo de todas as persoas, non en favor do desenvolvemento da
rendibilidade dos poucos. A URSS, o primeiro estado socialista do mundo, que
foi feito realidade coa contribución especial de V.I. Lenin, puxo en primeiro
plano novas conquistas económicas, sociais, políticas e culturais sen
precedentes para a clase obreira e as amplas capas dos traballadores, que
tiveron un profundo efecto nos desenvolvementos progresivos históricos de todo
o noso planeta. Foi o apoio dos pobos na loita polo socialismo e a paz.
Honramos a V.I. Lenin como o gran internacionalista, o líder
que alzou a bandeira do internacionalismo proletario, fronte á posición
traidora da Segunda Internacional na I Guerra Mundial Imperialista, quen se
opuxo ao nacionalismo burgués e outras percepcións burguesas, como o
cosmopolitismo do capital; o protagonista da fundación da Terceira
Internacional Comunista, a cal contribuíu enormemente ao movemento obreiro e
comunista internacional e que hoxe é unha principal fonte para sacar leccións útiles
da experiencia que acumulou a través da súa acción. As posicións de Lenin sobre
o colonialismo levaron aos comunistas a comprender a cuestión das colonias e
inspiráronos a liderar as loitas anti-coloniais, tanto nos países coloniais
como nas colonias.
Honramos a V.I. Lenin como o incansable e constante opoñente
da guerra imperialista, partidario da loita popular pola liberación nacional e
social, a xustiza social, a paz, o socialismo.
A contrarrevolución e a restauración capitalista non poden
ocultar as conquistas do Socialismo. As catástrofes e a inxustiza nas que
vivimos, os problemas agudos da clase obreira, as capas populares, os
campesiños e en xeral dos pobos, causados pola explotación e opresión
capitalista, salientan a necesidade e actualidade do socialismo hoxe en todo o
mundo.
Os Partidos Comunistas e Obreiros denunciamos ante os
traballadores e a mocidade, a «vaga» de silencio e de distorsión reaccionaria e
anticomunista, desatada en todo o mundo polas forzas políticas que serven aos
intereses do capital, contra V.I. Lenin. Loitamos pola continuación da súa obra
e comprometémonos a continuar defendendo a súa herdanza, a difundila, e
chamamos aos traballadores e aos pobos a aprender dela.
22/04/2020
Partidos de SolidNet que asinan o comunicado conxunto
Partido Comunista
de Albania
PADS, Alxeria
Partido Comunista
da Arxentina
Partido Comunista
de Armenia
Partido Comunista
de Australia
Partido do Traballo
de Austria
Partido Comunista
de Acerbaixán
Tribuna Progresista
Democrática de Barein
Partido Comunista
de Bangladés
Partido Comunista
de Bielorrusia
Partido Comunista
de Bélxica
Partido Comunista
Brasileiro
Partido Comunista
de Brasil
Partido Comunista
Británico
Novo Partido Comunista
Británico
Partido Comunista
de Bulgaria
Partido dos
Comunistas Búlgaros
Partido Comunista
de Canadá
Partido Comunista
de Chile
Partido Socialista
Obreiro de Croacia
AKEL, Chipre
Partido Comunista
de Bohemia e Moravia
Partido Comunista de Dinamarca
Partido Comunista
en Dinamarca
Forza da
Revolución, República Dominicana
Partido Comunista
de Ecuador
Partido Comunista
Exipcio
Partido Comunista
do Salvador
Partido Comunista
de Finlandia
Partido Comunista
Unificado de Xeorxia
Partido Comunista
Alemán
Partido Comunista
de Grecia
Partido Obreiro
Húngaro
Partido Comunista
de India
Partido Comunista
de India (Marxista)
Partido Comunista
de Kurdistán ? Iraq
Partido Tudeh de
Irán
Partido dos
Traballadores de Irlanda
Partido Comunista
de Irlanda
Partido Comunista
de Israel
Partido Comunista,
Italia
Partido Comunista
Italiano
Partido Comunista
Xordano
Movemento
Socialista de Kazajistán
Partido do Traballo
de Corea
Partido dos
Comunistas de Kirguizistán
Partido Comunista
Libanés
Partido Socialista
de Letonia
Partido Socialista,
Lituania
Partido Comunista
de Luxemburgo
Partido Comunista
de Malta
Partido Comunista
de México
Partido Popular
Socialista de México
Partido Comunista
de Noruega
Novo Partido
Comunista dos Países Baixos
Partido Comunista
de Paquistán
Partido Comunista
Palestino
Partido do Pobo
Palestino
Partido Comunista
Paraguaio
Partido Comunista
Peruano
Partido Comunista
de Polonia
Partido Comunista
Portugués
Partido Comunista
Filipino [PKP-1930]
Partido Comunista
de Ucraína
Unión dos
Comunistas Ucraínos
Partido Comunista
da Federación Rusa
Partido Comunista
Obreiro de Rusia
Partido Comunista
da Unión Soviética
Unión de Partidos
Comunistas - PCUS
Novo Partido
Comunista de Iugoslavia
Comunistas de
Serbia
Partido Comunista
de Eslovaquia
Partido Comunista
Surafricano
Partido Comunista
de España
Partido Comunista
dos Traballadores de España
Partido Comunista
dos Pobos de España
Comunistas de
Cataluña
Partido Comunista
de Sri Lanka
Partido Comunista
de Suazilandia
Partido Comunista
de Suecia
Partido Comunista
Sudanés
Partido Comunista
Sirio
Partido Comunista
de Turquía
Partido Comunista
de Venezuela
Outros partidos asinantes do comunicado conxunto
Unión dos
Comunistas en Bulgaria
Partido Comunista
Revolucionario de Francia
Polo de Renacemento
Comunista en Francia
Shiso-Undo, Xapón
Partido Comunista
de Puerto Rico
JVP Sri Lanka
Union do Povo
Galego
Partido Comunista,
Suíza
Partido dos
Comunistas, USA