A Iniciativa Comunista Europea envía
saúdos militantes aos pobos de Europa no aniversario da Gran Vitoria
Antifascista dos Pobos!
A verdade
histórica non pode ser distorsionada nin borrada.
A gran
resistencia do pobo soviético contra a Alemaña nazi, que foi promocionada entón
como invencible, e os seus aliados en Europa acabou co esmagamento e a
rendición incondicional do fascismo. O 9 de maio está gravado na historia como
o día en que o Exército Vermello, ao izar a bandeira vermella coa fouce e o
martelo sobre o Reichstag, completou a maior vitoria dos pobos contra o
fascismo. É o día que sinalou o fin da Segunda Guerra Mundial en Europa.
En novembro de
1936, Xapón e a Alemaña fascista asinaron un acordo anti-comunista (o Pacto
Anti-Comintern). No período de 1939 a 1941 os exércitos fascistas alemáns, á
procura do desexo nazi da dominación mundial, ocuparon Polonia, Dinamarca,
Bélxica, Holanda, Noruega, Francia, Grecia e Iugoslavia. Mentres que a
destrución da Unión Soviética era un obxectivo declarado da Alemaña nazi, todas
as potencias capitalistas eran hostís á URSS e aos logros do poder socialista.
En xuño de 1941,
a Alemaña fascista atacou á Unión Soviética. Nas primeiras dúas semanas os
fascistas penetraron moito en territorio soviético capturando Lituania, Letonia
e unha parte considerable de Bielorrusia, Ucraína e Moldavia. O pobo soviético,
dirixido polo Partido Comunista da Unión Soviética, mobilizou todos os recursos
á súa disposición para repeler ao inimigo e derrotar o fascismo. A petición do
PCUS e do goberno soviético, centos de miles de cidadáns soviéticos ingresaron
nas filas do Exército Vermello. Nas amargas batallas defensivas no verán de
1941, as forzas soviéticas defenderon heroicamente a súa patria. A loita da
URSS fíxose unha parte crítica da loita dos pobos de Europa e o mundo contra a
agresión fascista. A heroica defensa de Stalingrado, a derrota das forzas
fascistas na batalla de Kursk e as heroicas accións dos partisanos comunistas
fixeron cachizas a resolución dos fascistas.
O 30 de abril
Hitler suicidouse ante unha derrota segura. Ao día seguinte, o 1 de maio de
1945, a bandeira vermella da vitoria, blasonada coa fouce e o martelo, ondeaba
sobre o Reichstag: un símbolo emblemático do papel decisivo da URSS na derrota
do fascismo. A Alemaña nazi rendeuse ao día seguinte e nos días posteriores o
alto mando nazi asinou os instrumentos de rendición. O 9 de maio, as forzas
soviéticas destruíron o grupo operativo nazi que rodeaba Praga e Alemaña, que
se rendeu sen condicións. A vitoria era segura, o fascismo foi decisivamente
derrotado, os países e os pobos foron liberados da opresión fascista e
restaurouse a paz en Europa.
A enteireza e a
capacidade de loita da Unión Soviética foi resultado do seu carácter
socialista, a súa economía centralizada e planificada cientificamente co pobo
tendo a propiedade da riqueza que producía.
O 12 de xaneiro
de 1945 o Exército Vermello lanzou a súa ofensiva final ao longo dunha fronte
que se estendía desde o mar Báltico aos Cárpatos. A ofensiva desenvolveuse a un
ritmo alto. Os nazis levaron a todas as forzas dispoñibles para a defensa de
Berlín. Berlín converteuse no escenario dunha batalla transcendental na que as
forzas soviéticas ao avance tomaron a cidade, rúa por rúa e casa por casa.
A agresión
fascista fora confrontada e destruída. Isto conseguírono a Unión Soviética e os
seus aliados, incluíndo a resistencia antifascista na Europa ocupada polo
fascismo. Con todo, é importante recoñecer e lembrar o papel decisivo do
Exército Vermello, a Unión Soviética e o seu pobo na derrota do fascismo. A
Unión Soviética perdeu máis de 20 millóns de cidadáns, 25 millóns perderon os
seus fogares, destruíronse 1.700 cidades, 70.000 pobos e 31.850 empresas
industriais. Máis de 2 millóns de membros do Partido Comunista soviético foron
asasinados na acción ou en operacións de guerrilla ou na loita clandestina. A
derrota do fascismo alemán e o militarismo xaponés abriu o camiño da revolución
e liberación socialistas a través de Europa e o mundo.
A incesante
ofensiva do capital e os perigosos acontecementos na OTAN, a Unión Europea e a
EE.UU. xunto coa agudización das rivalidades inter-imperialistas seguen
subliñando a sempre presente ameaza do fascismo e a guerra imperialista.
Á difamatoria
ofensiva anti-comunista que busca borrar a verdade histórica non se lle
permitirá vencer. A liberación de Europa e o mundo non pode separarse do papel
histórico do primeiro estado socialista do mundo, o seu pobo e os millóns de
comunistas que sacrificaron as súas vidas e contribuíron decisivamente á
derrota do nazismo e o fascismo.
A Iniciativa
Comunista Europea revela e condena o intento sistemático da UE de borrar a Gran
Vitoria Antifascista dos Pobos da memoria histórica e a conciencia dos pobos ao
converter o 9 de maio no “día de Europa”; loitando con decisión contra o
anti-comunismo e a identificación anti-histórica do comunismo co monstro do
fascismo que a UE e os seus gobernos buscan establecer. A distorsión da
historia, que se usa como ferramenta de diseminación do anti-comunismo, e os
sermóns anti-históricos, en especial para a mocidade, non pasarán. Condenamos a
política da UE que fomenta as persecucións anti-comunistas, a prohibición das
actividades dos Partidos Comunistas e os símbolos comunistas, a destrución de
memoriais dedicados aos comunistas e antifascistas como aqueles que están en
proceso en Polonia, Ucraína e os estados bálticos, a provocadora rendición de
honras e pagos de pensións aos nazis e os seus descendentes, etc. Expresamos a
nosa completa solidariedade cos cadros do PC de Polonia, que de novo serán
xulgados o 15 de maio polas autoridades polacas, a pesar da súa absolución hai
3 meses. Non conseguirán pór obstáculos á propagación das ideas comunistas.
O racismo, o
fascismo e a ultradereita son formas de xestionar o capitalismo, a ditadura do
capital. Estas correntes reaccionarias están alimentadas polas políticas
anti-populares da UE, as guerras que libra, a súa política contra os
inmigrantes e refuxiados, o anti-comunismo e a igualación anti-histórica do
comunismo co fascismo, sendo todo isto os seus “valores fundacionais”. Son
alimentados e difundidos polo propio capitalismo, o sistema ao que serven a UE
e os partidos burgueses. Por iso a socialdemocracia –a vella e a nova–, forzas
burguesas que apoian e defenden a UE, tentan enganar aos pobos na campaña das
eleccións europeas presentándose como supostamente “progresistas”.
Pero o que é
realmente progresista é a liña política dos PP.CC., a súa loita contra a UE, a
loita de clases e a devoción dos comunistas na organización desta loita. Como
mostrou a historia, os comunistas son coherentes, opoñentes inquebrantábeis e
eficaces contra o fascismo e ao sistema que o alimenta. Por esta razón, os
pobos na campaña ás eleccións europeas poden fortalecer decisivamente aos Partidos
Comunistas que loitan contra a UE e contra as unións imperialistas en xeral. O
fortalecemento dos PP.CC. en cada batalla política contribúe ao desenvolvemento
das loitas dos pobos.
Chamamos aos
pobos a debilitar as forzas que apoian á UE de calquera forma e cultivan
ilusións sobre que se pode arranxar” a UE.
NON á UE dos monopolios, o
capital e as guerras!
Adiante por unha Europa de
prosperidade dos pobos, de paz, de xustiza social e de dereitos democráticos,
de socialismo!
Viva o 9 de maio – O DÍA DA
GRAN VITORIA ANTIFASCISTA DOS POBOS.
Fonte: PCTE
Tradución: Revista FORXA